تفرق كثير ..

كل يوم المنظر يتكرر أنا ادخل النادي الصبح وأركن العربية الاقي المنادي بأبتسامة جميلة يصبح عليا واسأله عن أخباره وأخبار البلد .... واستغرب علي الناس الي بتركن بجانبي وتنزل من العربية وما تصبحش علي البني أدم خالص ولا تشعر حتي بوجوده الا لو هناك أزمة في الاماكن تنظر بأستعلاء وتشخط فيه كما لو ان الغلط راكبه ... ونفس الحكاية في طريقي لملعب التنس اصبح علي الكل... الي بيضايقني انهم ممتنين لصباحي زي ما يكون أنا عملت خدمة فيهم لان لا احد من الاعضاء او الغالبية منهم يشعر حتي بوجودهم مش بس يصبح بل كأن هؤلاء غير موجودين علي الارض سلوك غريب وقميئ  مين زرع الطبقية دي في الناس اكثر فترة الناس بتتكلم علي الدين والاخلاق وأتأمل سلوكهم الاقيه ابعد ما يكون عن ابسط مبادئ الاخلاق والدين طبعاً

حاول وانت داخل أي مكان تصبح علي الناس العامل  الي واقف علي الانساسير وانت طالع ، الفراش الي بينظف لك المكتب كل يوم
العامل الي بيكنس  الشارع ...الي بيقدم لك الطالبات وانت في المطعم وبينظف مكانك بعد ما تأكل .. اشكره الناس دي بتخلي الدنيا احلي .. تستاهل انك تصبح عليها وتشكرها ..

ذي ما بتصبح علي مصر بجنيه .. صبح عليهم بكلمة حلوه ..


صبح علي مصر .. وصبح علي المصريين ها تفرق كثير ..الدنيا ها تبقي احلي

صباحكم إنسانية

شادية متولي